Kulang Ako Kung Wala Ka

Heto na naman ako. Naguguluhan. Nagiisip. At kapag ganitong nalulungkot ako, asahang matatagpuan nyo ako sa mga titik at salitang mabubuo sa blog na ito. Kapag nalungkot ka rin, ibig sabihin nun, naramdaman mo ako, malaya mo akong pinatuloy sa puso mo at doon mismo ako'y iyong kinalinga. 


Salamat kaibigan.


Nagsimula akong malungkot kagabi. Nakatanggap kasi ako ng message sa fb ko galing kay Jerwin, sa ex ko. Kahit almost 3 months na kaming hiwalay ngaun, nagkakachat parin kami. Syempre kahit paano nilalagyan ko ng konting pader sa pagitan naming dalawa dahil hindi na kami katulad ng dati. Pero kagabi, hindi ko alam kung bakit pahapyaw nyang sinabi ang nasa loob nya...

Jerwin: :(

Me: Oh bakit?

Jerwin: Wala lng. naiiyak lng aq

Me: Bakit nga?

Jerwin: Basta. :(

Me: Asus, tell me. Maybe i could help you to ease the pain

Jerwin: :( kpg nmatay b aq mamimiss mo aq?

Me: Oo naman. Please don't say that. Ano ba problema mo?

Jerwin: Gusto q n kc mamatay e. auq ng gnitong feelings

Me: Ano ba nararamdaman mo?

Jerwin: Feeling q naiiwan n aq ng civilization

Me: Haha! Bakit naman? Nasa trend ka nga eh nakatwitter ka. hehe

Jerwin: ndi un. kc lahat nka move on n. aq ndi p. :(

Me: Hindi ka pa nakakamove on sa akin? eh di ba ikaw ang bumitaw sa atin?
(Gustong-gusto ko sabihin na ako rin naman hindi parin totally nakakamove-on pero hindi ko ginawa)

Jerwin: Basta.

Me: Tell me.

Jerwin: Basta...

Me: Ok. Ikaw ang bahala kung ayaw mo sabihin. I'm just trying to help you.
(Pero naisip ko paano ko nga siya tutulungan kung maaaring ako ang dahilan di ba? Yun eh kung ako nga ang dahilan, kasi matagal narin kaming wala, malay ko ba kung may iba na siya. Hindi ko rin alam at hindi ko tinatanong)

Jerwin: salamat n lng. tnx s concern

Doon natapos ang conversation. Ganun naman si Jerwin. Hindi lahat sinasabi. Para bang takot malaman ng iba ang tunay nyang nararamdaman at naiintindihan ko naman yun. Kaya nga pakiramdam ko minsan, hindi ko pa siya lubos na kilala, parang meron parin siyang tinatago sa akin. Obviously, magkaiba talaga kami. Kasi open book ang buhay ko sa mga kaibigan ko at sa mga taong nakakakilala sa akin na ganito ako. Anyway, kahit hindi ko man aminin, alam ko sa sarili ko na apektado parin ako kapag siya ang involve. Oo, aaminin ko magaling akong magtago ng nararamdaman kapag kailangan. Minsan nga dinadaya ko pa ang sarili ko pero sa huli ako parin ang nasasaktan, ako parin ang talo.

Mati-trace kahapon sa fb status ko si EMOng. Pero pinipilit kong maging malakas sa bawat salitang binibitawan ko. Minsan pakwela. Ganun ako eh. Ganun ang personality ko. Gusto ko malakas ako, matapang, malupet pero ang totoo, sinusubukan ko lang lumaban at maging positibo sa lahat ng oras at pagkakataon. Sa kabilang banda, sinisiguro ko na sa bawat fb status na ibinabahagi ko sa lahat, nakalagay ang puso ko doon para sa katotohanan.

Bigla nalang naisipan kong buksan ang Fb page ni Jerwin. Tiningnan ko ang lahat ng nakapost doon. Feeling ko malungkot nga siya. It shows sa mga kantang inilagay nya doon. One last cry, Do i have to cry for you, Miss you like crazy, i'll never go, Thank you for loving me at ang pinakagusto nya, ang bagong kanta ni Erik Santos na hinanap ko sa youtube pero hindi ko makita ang music video. Ang title, Kulang ako kung wala ka. Sinearch ko rin ang lyrics at parang nanunukso ang bawat titik nito.

KULANG AKO KUNG WALA KA

Nag-iisa at hindi mapakali
Ibang-iba pala pag wala ka sa aking tabi
Pinipilit kong limutin ka
Ngunit di magawa
Sa bawat kong galaw
Ay laging hanap ka

Nag-iisa ang isang kagaya mo
Na nagmahal at nagtiyaga
Sa isang katulad ko
Bakit nga ba di ko man lang nabigyan ng halaga
Nagsisisi ngayong wala ka na

Refrain :
Kulang ako kung wala ka
Di ako mabubuo kung di kita kasama
Nasanay na ako na lagi kang nariyan
Di ko kayang mag-isa
Puso ay pagbigyan
Kulang ako, kulang ako kung wala ka

Nag-iisa sa bawat sandali
At tila ba biglang nahati ang aking gabi
Umaasa na sana’y maging tayong dalawa muli
Sa puso ko’y wala kang kapalit

Kung gusto nyong mapakinggan, anjan ang link sa ibaba. Click nyo nalang.
http://swift.fm/#!/kiandelacuesta/swift/132433/

Kahit may konting kilig dahil umaasa ako na patungkol sa akin ang lahat ng iyon, (kasi nga malay natin meron siyang iba) nalungkot parin ako. Gusto ko kasi masaya siya. Gusto ko lahat ng nais nya, makuha nya. Gusto ko lahat ng pangarap nya, maabot nya. Kahit siya ang bumitaw sa relasyon naming dalawa, kahit hindi ko maunawaan kung bakit nangyari ang lahat ng ito, kahit pa may iba siyang mahal, hangad ko parin ang kaligayahan niya. Hinding-hindi ako magiging hadlang sa mga pangarap niya.

Hanggang ngaun hindi ko parin magawang isulat ang aming love story. Sa totoo lang, gusto kong isulat at ibahagi iyon sa inyo. Alam ko, maraming aral ang maaaring mapulot sa istorya naming dalawa na magbibigay ng panibagong pagasa sa mga taong katulad ko na umibig at nabigo pero sa tuwing sinusubukan kong isulat, nagaaway ang mga letra. Nagsasabunutan sila. Nagkukurutan sa singit. Nagsasampalan. Kaloka teh! Hindi mabuo. Hindi ko maisulat ang tamang salita. Siguro nga, hindi pa panahon. Masyado pang malalim ang sugat na nilikha ng aming biglaang paghihiwalay.

Alam ko darating din ang tamang oras para mabuo ang nais kong kwento para sa aming dalawa pero higit pa dun, naniniwala ako na darating ang pagkakataon na matatanggap rin namin sa aming mga sarili na wala na kami. Na, magpasalamat nalang kami dahil naranasan namin ang umibig at ibigin ang bawat isa kahit hindi ito lubos na nabigyan ng katuparan. Nakakalungkot man pero kailangan kong tanggapin na sadyang hindi perpekto ang mundo para ibigay ang lahat ng gusto natin sa buhay upang tayo'y lubos na lumigaya. Aw!

Tinutukso tuloy ako ni Juris ngaun...