Barbel (Part 1)

Matagal na akong naghahanap at naghihintay. Mabait naman ako. May maayos na trabaho. Hindi naman ako panget pero hindi din kagwapuhan. Cute daw ako ang sabi nila. Ewan ko ba kung bakit napakailap ng tunay na pag-ibig sa akin. Kaya ng dumating si Mark (isang Amboy) sa buhay ko, kinapalan ko na ang mukha ko. Niligawan ko talaga siya.

“Bro, pwede ba kitang ligawan?” sabay titig kay Mark na halos kalahating dipa lang ang layo sa akin kaya alam kong malinaw na narinig nya ang sinabi ko.

“Ha? Ano ka ba?! Are you serious? ang sagot ng nangingiting si Mark.

“Oo nga, seryoso ako. Dati kasi wala naman akong pakialam sa mga naggy-gym dito. Basta ang sa akin lang, maggy-gym ako. Pero noong inapproach mo ako at makipag-alternate sa barbel na ‘yan at nginitian mo ako ng pagkatamis-tamis para akong natulala bro at tibok lang ng puso ko ang naririnig ko. Tulad ngaun, magkausap tayo. Ewan ko ba, the feeling is so strange. Minsan nga pumupunta lang ako dito hindi na para mag gym kundi para lang makita ka. Di ba nakakatawa? Dati wala akong pakialam pero ng makilala kita bigla nalang nagbago ang lahat.

Ngumiti si Mark, tandang tanda ko, iyon ang ngiting ibinigay sa akin ni Mark noong una kaming magkakilala.

Nakakatunaw…

Nakakabaliw…

Minsan pa, inukit ko sa isip ko ang ngiting bumulabog sa puso’t isip ko.

“Tara na nga, mag gym na tayo Eric. Alternate ulit tayo sa barbel ha…?” ang anyaya ni Mark sa akin.

Kinagabihan, hindi ako mktulog. Kanina lang kasi sinabi ko na kay Mark ang aking nararamdaman. Wala naman nagbago. Ganun parin ang pakikitungo nya sa akin. Kinuha ko ang aking cellphone at nagdesisyong itext si Mark.

“Gising ka pa? Di kasi ako mkatulog eh… (Message sent)

Ilang sandali pa at tumunog ang aking cellphone. Excited kong binuksan ang inbox kung kanino ba galing ang text. Napangiti ako. Si Mark nagreply sa text ko.

“Yup. Bkit naman? Iniisip mo ako? Joke!” ang mensahe ni Mark

“Oo. Hehe! Di ka naman nagcomment kanina noong sabihin ko na....” (Messege sent)

“Dapat ba akong magcomment agad? Sige, gusto mo talaga magcomment ako?”

Kinabhan ako sa reply ni Mark. Hindi ko malaman kung ano ang isasagot ko. Bakit ba kasi naitext ko pa un? Haist! Nagreply ako…

“Ok, di bale nalang. Kapag ready ka na tsaka mo nalang sabihin kung anuman ung sasabihin mo.”

Beep! Beep!

“Ready na ako, ikaw, ready ka na bang marinig ang sasabihin ko?”

Kabadong kabado na ako. Hindi na ako mapakali sa pagkakahiga ko. Nasa isip ko parin ang mukha ng lalaking itinatangi ko ngayon. Ang ngiting una kong minahal dito. Atubili man akong sumagot, sumagot ako at nagawa ko ring pakalmahin ang sarili ko.

“Ok ready nako…..”

“Sige wait lang ha...” ang sagot ni Mark.

Matagal bago muling sumagot si Mark sa text. Naisip ko baka marami rin siyang sasabihin sa akin. Sari- sari ang naiisip ko. Gusto rin kaya ako ni mark? Paano kung hindi? Shit! Mahihiya na siguro akong maggym kapag andun siya… Waahhhhh!

Tumunog ang aking cellphone. Kinakabahan man ako na basahin ang message ni Mark, may halo paring excitement ang nararamdaman ko.

“Ok, ganito… Ang masasabi ko lang sayo… Hatinggabi na po mapupuyat ka kaya matulog na tayo. Ok? See you tomorrow. Goodnight Eric.” At may smiley pang kasama sa dulo ng message nya.

Bigla akong natawa na kinikilig na naiinis kay Mark. Un lang pala ang sasabihin ng Amboy na ‘to pinaghintay at pinakaba pa ako. Paulit-ulit kong binasa ang text ni Mark at sobra akong kinilig talaga dahil sa sinabi niya… "Hatinggabi na po mapupuyat ka."

Nagki-care ba siya sa akin? Hay!

At niyakap ko ang unan na nasa tabi ko na parang nasisiraan ng bait. Papikit-pikit pa. Hahaha! At nakangiti akong natulog ng gabing iyon na puno ng pag-asam sa lalaking nagpatibok ng aking pu........ so! Charot!


Malayo palang tanaw ko na ang kakisigan ni Mark. Wala akong maipipintas sa hubog ng katawan nito. Para siyang si Machete sa pelikula na inukit ni Rosanna Roces. Lumilipad pa ang utak ko sa isiping un ng biglang merong tumapik sa balikat ko.

“Hoy! Bkit tulala ka dyan? Tanghaling tapat nagpapantasya ka. Sino bang pinagpapantasyahan mo? Ako? Uyyyy… Ako ang pinagpapantasyahan mo no? Ano? Ano? Umamin ka!” ang kantyaw sa akin ni Mark habang tinutulak at kinikiliti nya ako.

“Gagong ‘to! Kapal mo ha? Hmm pero may tama ka nga pero slight lang! Hahaha!” ang sagot ko naman habang sinasalag ko ang mga kamay ni mark na kumikiliti sa akin.

Para kaming mga bata na nagkukulitan sa overpass malapit sa isang mall sa Cavite. Walang pakialam sa mga taong nakakakita sa amin. Para sa akin, si Mark lang ang mahalaga ngaun sa buhay ko. Si Mark lang at wala ng iba.

Pagkatapos naming kumain nagyaya si Mark sa bahay nila. Malapit lang naman ang subdivision nina mark kaya madali kaming nakarating doon. Simple lang ang bahay nina mark. May maliit na bakuran at pagpasok ng bahay, ang maayos na sala. Sa corner ang TV set at may aquarium na maliit sa kabilang dulo. Naisip ko tuloy masinop siguro sila sa gamit. Eh si Mark kaya? Ano kaya ang hitsura ng kwarto nya? Maayos din kaya o magulo? May mga posters kaya ng mga babae o katulad ng sa kwarto ko na mga lalake? Pink kaya ang kurtina nya tulad ng sa akin? Charot lang! Kayo naman! Binibiro ko lang kayo. Hehe!

“Hoy! Tara na sa taas! Wala ka na naman sa sarili mo.” Ang wika ni Mark.

“A…. Ah sorry naman. Sa taas? Di ba nakakahiya sa parents mo?

“Wala sila dito. Bukas pa uuwi si Mama. Kailangan kasi ni Mama na pumunta sa Ternate kina lola. Si Papa naman, hindi ko alam. Bata palang kasi ako ng iwan kami ni Papa dahil may pamilya din ito sa Amerika at hanggang ngaun wala na kaming balita sa kanya.

“Ahhhhh.. Pasenxa na bro… So, mag-isa ka lang pala dito ngayon?

“Oo, bakit natatakot kang reypin kita? Hehe!

Hindi kaagad ako nakasagot sa panunukso ni Mark. Pero ng makabwelo ako..

“Hindi ako takot marape! Lalo na kung ikaw ang mangra-rape sa akin. Tara sa taas! Hahaha!” ang panunukso ko ring sagot sa kanya.

“Aha! Hinahamon mo ako ha? Tara pala sa taas ha? Lagot ka sakin ngayon!”

At naghabulan kami sa hagdanan pataas. Napatigil lang ako sa pag-akyat ng mapansin ko na 3 kwarto ang nandoon. Natunugan naman agad ito ni Mark.

“ Hmmm… Eric kapag nahulaan mo kung alin ang room ko jan, may kiss ka sa akin. Ganito oh… UmmmmMmmmwah! “ Nakanguso si Mark na parang nang-aakit ng halik.

“Teka, sure b yan? Naku! Magaling ako manghula. Mapapalaban ka sa akin. Hahaha! Sige ha i-try ko. Hmmm… pero teka…. May kiss ba talaga?

“Hmmmm… oo nga e! Bilisan mong sumagot baka magbago ang isip ko.” sagot ni Mark na may kasamang paghahamon.

“Ok! Ok! Relax. Pag-iisipan ko muna. Sayang ang kiss pag nagkamali ako haha!” at itinuro ko ang kwarto na sa palagay ko ay kay Mark.

“Oh! Well, Let’s see……”

Binuksan ni Mark ang kwarto. Tumambad sa akin ang isang maayos na kwarto. Naamoy ko agad ang air freshener sa loob. May bookshelf, may closet at double size na kama. Blue ang motif ng kwarto at wala akong makitang poster ng lalake o babae kundi isang Chinese Calendar na nakadikit sa pader. Mayroon din na side table at lampshade na nakapatong dito. At napangiti ako ng bonggang bongga ng makita ko ang picture frame ni Mark na nakapatong doon. Shit! Jackpot ito! Haha!

“Hahaha! Paano ba yan Mark? Tama ang hula ko! Asan na ang kiss ko? Haha!”

Napakamot lang c mark sa ulo.

“Pumikit ka muna. Dali na! Tumalikod ka tsaka pumikit ok?” ang sagot ni Mark.

“Teka lang, bakit may ganun pa? Kiss mo nako ung ganito oh… UmmmmMmmwwah!”
Habang iningunguso ko ang labi ko katulad ng ginawa ni Mark kanina.

“Pipikit o walang kiss?” ang pananakot ni Mark.

“Pipikit na po….” ang natatawa kong sagot kay Mark at tumalikod na nga ako ng nakapikit.

Para lang akong taya sa taguan. Habang nakatalikod ako kay Mark at nakapikit, naglalaro na agad ang isip ko. Paano kayang kiss ang gagawin ni Mark sa akin? Baka naman pinagloloko lang ako nito ni Mark. Pero sa kabilang banda, nsasabik ako sa maaaring mangyari. Kinakabahan din ako.

Narinig ko ang paglapat ng pinto. Isinara ito ni mark. Sumunod ang mga kaluskos pagkatapos ay katahimikan. Konting sandali pa at….

“Open your eyes Eric….” Malamig ang boses ni Mark. Malumanay. Masuyo pero lalakeng-lalake ang timbre.

Ramdam na randam ko ang kaba sa aking dibdib. Hindi ko mawari kung ano ang pakulong ito ni Mark. Pakiramdam ko maiihi ako sa kaba. Kasi nanginginig ako ng mga sandaling iyon. At dahan-dahan ko na ngang ibinaling ang aking katawan paharap kay Mark…



ITUTULOY…..